HEIDELBERG-KONSENTRASIEKAMP

Ligging: Nuwe Munisipale begraafplaas, Jacobsstraat

Koördinate: -26.4873451,28.3708676

Heidelberg was een van die oudste kampe en het waarskynlik reeds van Oktober 1900 af bestaan toe gesinne wat Boerekommando’s huisvesting gegee het, na die dorp gebring is. Teen Februarie 1901 het daar meer as 1200 mense in die kamp gewoon, maar die kamp was nooit baie groot nie. Aan die einde van Junie 1901 was daar slegs 751 inwoners en het die getal gedurende die grootste deel van die bestaan van die kamp op minder as 1000 gebly. Later is ’n aantal van die families na die Natalse kampe gestuur. Hierdie kamp het Desember 1902 gesluit met ongeveer 559 sterftes.