VOLKSRUST-KONSENTRASIEKAMP

Ligging: Voortrekkerplein by die Burgersentrum, h.v. Joubert en Laingsnekstrate,

Koördinate: -27.3667871,29.8875557

Volksrust-kamp was pragtig geleë, in die skadu van die Majuba-berg, aan die grens van Natal, waar die Boere die Britte twintig jaar tevore verslaan het. Die klimaat kan voordelig wees vir die gesonde mense, maar dit het bejaardes en baie jonges erg aangetas, en dit was moeilik vir die gesinne wat uit die milde distrikte Vryheid, Utrecht en Piet Retief gekom het. Die kamp het nie lank gebly in sy oorspronklike posisie waar die watertoevoer swak was nie. Kort voor lank is dit verskuif na beter gedreineerde grond in ’n gebied ongeveer ’n kilometer van die dorp af. Hier was die watertoevoer meer volop, vanaf ’n plaaslike reservoir, ’n kilometer ver. Dié kamp is deur ’n dubbele doringdraadheining ingesluit en inwoners is nie toegelaat om tussen 18:00 en 6:00 in of uit te gaan nie. Hierdie kamp het bestaan van Februarie 1901 tot Januarie 1903 met ongeveer 1157 sterftes.

Klik hier om te sien of daar van jou familie hier begrawe is.